ҚҰРМЕТТІ ӘРІПТЕСТЕР!

Сіздерді Қазақстанның Елордасы - Нұр-Сұлтан қаласында 2019 жылғы шілде айының 11-13 аралығында өткізілетін Балалар нейрохирургтарының Еуразиялық қауымдастығының және Балалар нейрохирургиясы бойынша  халықаралық мектептің II Съезіне қатысуға ақ ниет, ыстық ықыласпен шақырамын.

Бірінші съезд 2017 жылы Минск қаласында (Беларусь Республикасы) өткізілді, съезд балалар нейрохирургиясының мәселелері мен дамуының болашағын талқылайтын ашық алаңға айналды және осындай іс-шараларды өткізудің  өзекті екендігін  көрсетті. Өткізілуі жоспарланып отырған екінші съездің мақсаты біліммен бөлісу, тәжірибе алмасу және жаңа таныстықтарды арттыру, сол үшін Еуразия аумағындағы балалар нейрохирургтарының  барлығының басын қосу.

Мемлекет басшысының 2019 жылды Жастар жылы деп жариялағандығын айта кеткен жөн. Жастар қазіргі уақытта біздің мемлекетіміздің дамуына қажетті тың әрі  серпінді батыл бастамалардың иесі саналады. Мемлекеттің өркендеуінің  тағы бір айқын көрінісі дені сау ұрпақ.  Мемлекет басшысы жастар мен отбасы институтын кешенді қолдау мемлекет саясатының басым бағыты болу керектігін атап өтті. Жоғарыда аталған іс-шараны өткізу Елбасының салиқалы саясатына сай келмек.

Біздің барлық достарымызды, әріптестерімізді Балалар нейрохирургтарының Еуразиялық қауымдастығының және Балалар нейрохирургиясы бойынша  халықаралық мектептің II Съезіне қонақ болуға және өз тәжірбиелерімен бөлісуге шақырамыз.

Мен аталған іс-шараны өткізу барысында өздеріңіз үшін көптеген жаңалықтарды ашатындықтарыңызға және Қазақстанның елордасы - Нұр-Сұлтан қаласына жасаған сапарыңыздан жаныңыз жадырап, тың серпілістер алатындықтарыңызға сенім артамын!

Біз Сіздерді 2019 жылдың шілде айында арайлы Нұр-Сұлтан қаласында асыға күтеміз!

Image

Ізгі ниетпен, Қазақ нейрохирургтары
 ассоциациасының Президенті
профессор,
Серік Акшулаков

Съезд туралы

Жалпы ақпарат

Өткізілетін күні және орны

Өткізілетін күні және орны

11 шілде, 2019 жыл Rixos President Astana қонақүйі
12 шілде, 2019 жыл «Ұлттық нейрохирургия орталығы» АҚ
13 шілде, 2019 жыл «Ұлттық нейрохирургия орталығы» АҚ

Тілі

Тілі

Съездің және Мектептің ресми өткізілу тілі – ағылшын және орыс тілдері.
Қатысу туралы сертификат

Қатысу туралы сертификат

Қатысуы туралы сертификат барлық тіркелген қатысушыларға беріледі.
Көрме

Көрме

Балалар нейрохирургтарының Еуразиялық қауымдастығының және ISPN
халықаралық мектебінің II Съезі коммерциялық көрме өткізуді жоспарлап отыр. Көрме туралы ақпарат пен коммерциялық көрмеге шақыру бойынша ұйымдастыру комитетіне мына мекенжай бойынша: info@astananeuro.kz хабарласыңыз.
Шақыру

Шақыру

Ұйымдастырушы хатшылық қатысуға тілек білдірушілердің барлығына жеке шақырту жіберуге қуанышты екенін және қажет болған жағдайда қатысуға тілек білдірушілердің мекемелерінен рұқсат алуға көмек береді және рәсімдеудің ресми жағын жеңілдетуге ықпал етеді.
Мұндай хат ұйымдастырушылардан қаржылық қолдау түріндегі ұсыныс ретінде
қарастырылмауы керек. Қажет болған жағдайда, виза рәсімдеу үшін ұйымдастырушы комитетпен шақырту жіберілуі мүмкін. Шақыруға сұраныстарды info@astananeuro.kz жолдау қажет.
Атаулы бейдждер

Атаулы бейдждер

Съезд және Мектеп уақытындағы барлық іс-шаралар кезінде атаулы бейдждерді тағып жүру керек. Тек осы атаулы бейдждер ғана Съезд және Мектеп сессияларына, түскі астарға, кофе – брейктерге және басқа да іс-шараларға қатысуға рұқсат береді. Қауіпсіздікке жауапты қызметкерлер барлық іс-шаралар кезінде атаулы бейдждердің бар-жоғын тексереді.

Серіктестеріміз

Іс шараның өткізілу орны

Нұр-Сұлтан қаласы, Д. Қонаев к-сі, 7
Rixos President Astana Қонақ үйі
Нұр-Сұлтан қаласы, Тұран д-лы, 34/1
Ұлттық Нейрохирургия Орталығы